★~★~駿語錄~★~★

人與人之間~銘銘之中有一種聯繫與緣
你永遠不知道你明天會遇上什麼人~發生什麼事!
最近發生了很多事~遇上了很多人~認識了很多新朋友
令我本身淡淡的人生多了一分色彩!!
感謝上天給我遇上在當中的其中一個您!!

呢一陣子工作都仲係未搵到~
一有時間就運動~不過我都懶左啦~健身做小左~游水反而多左~
因為可以曬黑之外同時可以比隻左腳當物理治療~因為到而家都仲痛緊~
係無之前咁痛姐~游水可以比佢慢慢咁活動~比佢放鬆~
but......一打波又唔記得自己傷又係到係咁跳~hehe~自己攞來......
不過唔知係咪運動多左~食量有小小升番~我要係咁按住自己唔比自己食~好辛苦呀!!
我知道我呢個人食野係好易肥~唔按住真係好易前功盡棄.....
到而家都仲比人話我肥~睇怕離成功之日仲好遠~要加強下先得!!

幾日前已經決定今日去游水~本身擔心落雨會影響~
點知到今日先發現擔心第二樣先岩...就係氣溫!
今日一起身已經覺得好涷~成日係到諗~小小涷姐~照游都得
因為成班朋友都話風雨不改~我當然一定要去....
點知臨游先知~個個改飛機....最後得番我同一個女仔朋友....
我本身想同個女仔講不如唔好游~去食飯算~
不過個女仔話就算一個人都會游~咁我咪同佢游下~橫掂我都係想減肥
哈哈~一換完衫行出去就知道~死啦.....真係好涷....一落水..嘩!!!!!!
真係想死~一面游~一面個身先暖番D~但點暖都好,都真係好涷!!!
最後仲游到手腳覺得痲痺...未夠鐘就上水走人.....
聽日仲要游多次~太陽伯伯~你出來啦...唔係我就死啦.......

呢幾天都在下雨~都唔知有幾耐無落到咁大雨
每日都在一直下~唔通連個天唔都鍾意我?
想去游水~想去街~想~想~想
咁樣既天氣~個人攪到一點活力都沒有~
做好多野都無咩心機~連做運動都係~
都係跳番下晴天舞先得~希望快D見到太陽!!!!

昨日去了我舊同學友文的結婚宴會~見番好多差不多9年無見的同學朋友
有的一點都無變~有的反而變了很多~差點認不出來...
一時間都唔知可以講什麼話題好~不過佢地好多個都係到賭錢....
我就四周圍搵下人傾計~但好後悔自己懶...無帶相機~好想影多D相...多D合照..
BTW~整場婚禮都係一個好開心~好甜蜜既環境中渡過~
友文~我祝你新婚快樂~早生貴子!!期待一齊再戰羽毛球!!

呢一陣子都無寫blog~因為暫時無野做~無野好寫= =
每日都係搵下工~做下運動~過得一日就一日~
有時間就曬下太陽~游下水~不過仲未夠黑..我覺得= =
不過今日就唔同~因為爸爸之前生日同媽媽節都未攪..
所以今日就一次過攪晒佢~一次過成家十幾個人去左火炭食大排檔~
我地叫左超多野食~個個都食到抱住個肚走^^~我當然都係...
睇怕今晚要做番好多健身先得....
我係到許個願:
希望爸媽他們都可以身體健康~年年都開心快樂!!!

今日陽光充沛~我做左人生既第一次~
就係去左沙灘游水~好似好奇~不過係真係我既第一次~
因為我一直都覺得沙灘好多垃圾~今日到左~其實都唔算太多~
係有d嚇人姐~因為沙灘唔多~水裡面先......唉~
不過我既主要目的係曬太陽~我朋友佢就直頭要曬多d~因為佢比我仲白~
31度既氣溫~曬到我朋友佢頂唔住~我就仲ok~
不過今日應該都係曬傷左小小~不過黑先好~
夜晚就去左打波~今日真係夠晒玩~玩左一日~真係累~
訓.......

今日出左沙田攪左好多野~
包括~做護照~拎表攪車牌~去左銀行~
不過最重要既就緊係捐血啦~不過捐血都唔係咁簡單~
因為我仲登記埋捐骨髓~雖然唔係話捐就捐~不過幫到人都算係一件好事
如果咁岩真係有人需要我既~捐下都OK既~雖然我知到會好痛~哈哈.....
唉~早D訓先得~聽日仲要去石澳游水~聽日陽光咁靚~最岩就係曬死屍啦~
聽晚仲要打波~睇怕聽日都夠我累啦~唔知聽日之後會唔會出現一個朱古力人呢~
係就正啦~XDD

呢幾日陽光充沛~係曬太陽既好日子~
係未搵到工既時候~係唔可以比自己悶~
釣魚~游水做齊晒既我~第一樣野係曬乾左....
今日就上左大陸搵番舊同事聚舊~我地一齊打波~食飯行街~玩到累~
最好笑就係要幫佢襯衫~因為佢要出席佢朋友既婚禮~
同佢行街真係會累死人~因為佢真係間間鋪都入~....
我就一眼睇晒就得~連佢朋友都比佢煩死....
哈哈~不過佢最後都係走唔出我既法眼~買到既幾件野都差唔多係我睇中比佢既~
佢睇中個d真係......唔幫佢睇真係怕佢唔知襯左d咩出來~
不過~今日真係玩得好開心~一來可以聚舊~二來可以運動~

呢幾排都唔知發生咩事~d錢係咁唔知點解就洗左~
今日仲衰~我細佬打比我話~部電話比人偷左....
天呀~$5000幾蚊部電話~咁就無左~.....
部野仲要係我比錢分期先既....佢先還比得$300比我~
姐係要我自己出$4700......個死仔話比番錢我~
比到而家先得個小小~佢自己又係咁~連帶我都係咁~
工又未搵到~錢又係咁去~天呀..........